منتدي شباب قنا
مرحبا بك عزيزي(عزيزتى) الزائر(ة) .....
اذا كنت عضواً في المنتدى تفضل بالدخول ، اذا كنت زائراً اضغط على زر التسجيل لتنضم الى أسرة منتدي شباب قنا

منتدي شباب قنا


 
الرئيسيةبحـثالأعضاءالتسجيلدخول
منتدي شباب قنا

شاطر | 
 

 قصيدة الشاعر هشام الجخ 24شارع الحجاز

اذهب الى الأسفل 
كاتب الموضوعرسالة
عمرو الشاعر
عضو فضي
عضو فضي
avatar

الجنس : ذكر
الابراج : الدلو
الفأر
الـبلد /المدينـة : قنا
عدد المساهمات : 64
تاريخ الميلاد : 22/01/1985
تاريخ التسجيل : 30/04/2011
العمر : 33

مُساهمةموضوع: قصيدة الشاعر هشام الجخ 24شارع الحجاز   الأربعاء مايو 04, 2011 2:40 pm

اتدلعي واتبغددي واتفاخري واتباهي
قولي لكل الناس دة عشقني والله
لمي العيال حواليا زفوني
ظاظوا عليا وحدفوني طوب
انا اللي سبت عنيكي لفوني
وانا اللي استاهل كل يوم مركوب
فاتدلعي واتبغددي واتفاخري واتباهي
وادى ضحية كمان فدا رمشك الساهي
موت الضحايا جزايا ما انا اللي وديتك
ولحد حد مودتوش ولاحد وديتك
وقلعت كل سنيني على خصرك
ضفرت شعرك عش جوايا
بايعت حكمك وابتديت عصرك
ووقفت ورا عرشك ومسكت هوايا
موت الضحايا جزايا وكلها ضحايا
مين اللي قال الحب اخره عمار
الحب اخر نهاية في رحايا
القسوة طاحنة والحجر دوار
فاتدلعي واتبغددي واتفاخري واتباهي
واستنكري بعزتي واستهتري بجاهي
خلني مضرب مثل من بعد هيبة ووزن
صبي المرار بالعسل واكلي الفرح بالحزن
يعني انتي اولهم ولا انتي اول هم
ولا انتي اول سهم اتسن لي واتسم
لو تكشفي ضهري تلاقي السهام علامات
وانا زي زرع في هوا وطى حيي وعلا مات
موت العلالي شرف بس اسمها موتة
مش عدل تبقي في ترف وانا بطفح الكوتة
ما ياما نقسمهم وخذة قصاد وخذة
يا اما يا مؤاخذة توتة يا حدوتة
ابقي اكدبي براحتك واتدلعي براحتك
موت طعم الهزيمة جزا للي يزور ساحتك
وانا قلبي ياما غلب مش عيب يبات مغلوب
اهو برضة فديتينا وكفرنا بيكي ذنوب
ولحسنا من شهدك وشربنا من ريقك
وسكرنا من كاسك وكسرنا ابريقك
وطعمنا من حسنك وشبعنا ببريقك
ومشينا في طريقك
ورجعنا ملو اليد
جرحي قصاد جرحك ولا حد ظالم حد
ولا انتي فكرانا رجالة خيبانة
نبكي على النسوان ونسح في بكانا
كنتي اسالي نانا
اللي اسمها نانا
يدوب زعلنا يومين واهي دنيا لاهيانا
ما تكدبيش عالناس الناس دي عرفاني
قلبي خشب لو غطس بيقب من تاني
فماتجرحيش روحك وتقولي دة عشقني
بدل ما صحباتك يقولولك ادي دقني
حبي على قدك واحكي على قدك
وان جات سيرتنا في يوم ابقي الزمي حدك
تتبغددي ماشي تتدلعي ماشي
تقولي حبني موت برضه ميجراشي
بس انتي من جوا عارفة ان زمنك فات
وبقيتي كما اميرة قلبها شحات
لفي على صحابي سبيني في غيابي
قولي ان عمرك يوم ما وقفتي على بابي
لاكويت قمصاني ولاجيتي زرتيني
ولاتعرفي مكاني ولاتعرفي تجيني
واني يدوب واحد دايب في دبديبك
عامل كما عيل شابط في جلاليبك
وانتي يعنيني اف
زهقتي مني خلاص
عملتي زار بالدف
وسقتي كل الناس
وانا رضه لازقلك
معلش حظك كدة ربك ورازقلك
روحي ياشاطرة هناك انضمي للالبوم
انا كل عشرتي بيكي 22يوم
عملتي نفسك حكايه
ومحبة فياضة ومخدة بكايا
وسهر وسهد وويل
وغنا وبكا ومواويل
في 22ليل
على اي حال
شكرا وشكرا ثم شكرا للقصيدة
قلما تاتيني يامراة بافكار جديدة
الرجوع الى أعلى الصفحة اذهب الى الأسفل
Admin
مدير عام
avatar

الجنس : ذكر
الابراج : الاسد
الثعبان
الـبلد /المدينـة : قنا
عدد المساهمات : 66
تاريخ الميلاد : 23/07/1989
تاريخ التسجيل : 24/04/2011
العمر : 29

مُساهمةموضوع: رد: قصيدة الشاعر هشام الجخ 24شارع الحجاز   الجمعة مايو 06, 2011 10:39 am




ميرسي عمرو

بجد مجهود رائع


_________________
الرجوع الى أعلى الصفحة اذهب الى الأسفل
http://shabab-qena.yoo7.com
 
قصيدة الشاعر هشام الجخ 24شارع الحجاز
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب قنا :: القسم العام :: الركن الثقافي-
انتقل الى: