منتدي شباب قنا
مرحبا بك عزيزي(عزيزتى) الزائر(ة) .....
اذا كنت عضواً في المنتدى تفضل بالدخول ، اذا كنت زائراً اضغط على زر التسجيل لتنضم الى أسرة منتدي شباب قنا

منتدي شباب قنا


 
الرئيسيةبحـثالأعضاءالتسجيلدخول
منتدي شباب قنا

شاطر | 
 

 قصيدة جحا للشاعر هشم الجخ

اذهب الى الأسفل 
كاتب الموضوعرسالة
عمرو الشاعر
عضو فضي
عضو فضي
avatar

الجنس : ذكر
الابراج : الدلو
الفأر
الـبلد /المدينـة : قنا
عدد المساهمات : 64
تاريخ الميلاد : 22/01/1985
تاريخ التسجيل : 30/04/2011
العمر : 33

مُساهمةموضوع: قصيدة جحا للشاعر هشم الجخ   الجمعة مايو 06, 2011 3:35 pm

جحا
شعور سخيف
انك تحس بان وطنك شئ ضعيف
صوتك ضغيف
رايك ضعيف
انك تبيع قلبك واجسمك
انك تيع قلمك واسمك
مايجبوش حق الرغيف
سالوا جحا عن سر ضحكه
قال اصلوا اتنين وشبكو
اللي كان من تحت ميت
واللي كان من فوق كفيف
دا شعور سخيف
وشعور سخيف
انك تكون رمز الشحاته
تبني مبنى للشحاته
تعمل وزارة للشحاته
ياساقية دوري عدي فوقي ودوسي
نصبوا عليا وشحتوني فلوسي
ربطوني فيكي حتى ما اتغميت
هما الي فرحوا ووحدي انا اتغميت
انا اللي صاحب البيت عايش بدون لازمة
ولما مرة شكيت ادوني بالجزمة
انا اللي زارعك دهب
بتاكليني سباخ
ان كان دة تقل ودلع
بزيادة دلعك باخ
لاشفق فيكي هنا
ولا شفت فيكي ترف
كل اللي فيك قرف
كرامتنا متهانة
واللقمة باهانة
تخلفينا ليه لما انتي كرهانا
يعني ايه تبقي انتي هبة النيل يا بوبا
وكل يوم المية تقطع
يعني ايه لما اشتكي غلو الفاتورة
يقول تشكي بس تدفع
اما قش الرز ثروة بتتحرق
واما نفط الامة ثروة بتتسرق
اما جلادك على ولادك بيبطش
واما علمك مايلقيش ياكل فيطفش
يعني ايه نرفع ايدينا بالسلام لجل الغزاة
يعني اما ابقى ماشي في حالي اتشد اشتباه
يعني ايه اما اتحبس اربع سنين حبس احتاطي
يعني ايه مش حاسه بالعمر وغلاوته
بتصبي مر العمر ليه
دا انا كنت ح اوهب لك حلاوته
انا عمري ما اتامرت حطيت شروطي
ومكان ماترسي مركبك ببني شطوطي
انا جيشك لما مماليك باعوكي
وكنت يوسف لما عشت سنين عجاف
وضلوعي دي اللي ف معركة قادش حموكي
وشفايفي دي اللي مبطلتش في يوم هتاف
دا انا كل شبر في ارضك اتمرمغت فيه
زكل يوم عشتيه انا اتعذبت فيه
بتكرهيني عيونك السودة
وايامي اللي فاتت
مانتيش حبيبتي من النهاردة حبيبتي ماتت
علا صوت ادانك جرس في الشدة صحينلك
من امتي كانوا الحرس هما اللي بقينلك
بعتيني علشانهم وعنيكي معصوبة
ياهلترى خاينة ولا زيي مغصوبة
كل الكلام اتقال
والشعر بقى ماسخ
والصبر علو جبال
والظلم شئ راسخ
وطن وغرقان في النطاعة
كل شئ ريحته نطاعة
علمونا بالعصايا
ورضعونا الخوف رضاعة
علمونا في المدارس
يعني ايه كلمة قيام
علمونا نخاف من الناظر
فيتمنع الكلام
علمونا ازاي نخاف وازاي نكش
بس نسيوا يعلمون الاحترام
فمتزعلوش
لما ابقى مش بسمع كلامكم
وماتزعلوش لما اق خارج عالنظام
مستني ايه من طفل ربوه بالزعاق
غير المشاكل والخناق
كل اللي بيقولك بحبك دول نفاق
انا لما قلتلك بحبك كان نفاق
الحب يعني اتنين بيدوا
مش ايد بتدي وستميت تيت تيت يهدوا
الحب حالة
الحب مش شعر وقوالة
الحب يعني براح في قلب العاشقين للمعشوقين
يعني الغلابة يناموا في الليل دفيانين
الحب يعني جواب لكل المسجونين
هما ليه بقوا مسجونين
يعني اعيش عشان هدف
عشان رسالة
يعني احس بقيميتي فيكي
اني مش عايش عوالة
يعني لما اعرق تكافئيني بعدالة
الحب حالة
الحب مش شعر وقوالة
الحب حاجة متتوجدش في وسط ناس
بتجيب غداها من صناديق الزبالة
بارت مراعينا والبئر قد جف
والجوع يكوينا والصبر ما كفي
والقلب لايهدا والجرح لايشفى
ولاننا طوعا
زنا لهم خفا
جائوا بموكبهم
واشتغلت الزفا
الدفة مظبوطة
واصلا مفيش دفة
والكفة مش مايلة
علشان مفيش كفة
وجحا اللي جاي بالليل لساه بيتخفى
شايف ديدان الغيط سارحه ومارحماشي
من جبنه شاف الدود سابه وراح ماشي
ولا اتكسف من الناس
ولاحس على طوله
والناس عشمها كبير جريوا بيشكوله
ضحك جحا ضحكة مواشي
مدام بعيد عن طيني ماشي
الدود قاعدلك يا جحا ولابد في طينك
بعد مايمص في دمانا مش حيحلاله الا طينك
احنا اهلك
احنا رجالتك
امانك
احنا وقت الشدة سندك
احنا زادك
يا جحا احمي ولادك
ان كنت عايز تحمي طينك
سوف ارحل
ربما يلقاني من ارجو لقاه
هامشي ويا الشحاتين
بس مش هاشحت رغيف
هاشحت وطن لله





الرجوع الى أعلى الصفحة اذهب الى الأسفل
 
قصيدة جحا للشاعر هشم الجخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب قنا :: القسم العام :: الركن الثقافي-
انتقل الى: