منتدي شباب قنا
مرحبا بك عزيزي(عزيزتى) الزائر(ة) .....
اذا كنت عضواً في المنتدى تفضل بالدخول ، اذا كنت زائراً اضغط على زر التسجيل لتنضم الى أسرة منتدي شباب قنا
منتدي شباب قنا
مرحبا بك عزيزي(عزيزتى) الزائر(ة) .....
اذا كنت عضواً في المنتدى تفضل بالدخول ، اذا كنت زائراً اضغط على زر التسجيل لتنضم الى أسرة منتدي شباب قنا
منتدي شباب قنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدي شباب قنا


 
الرئيسيةأحدث الصورالتسجيلدخول
منتدي شباب قنا قصيدة سكرنة للشاعر هشام الجخ Rss10 قصيدة سكرنة للشاعر هشام الجخ Face10 قصيدة سكرنة للشاعر هشام الجخ Twitte10 قصيدة سكرنة للشاعر هشام الجخ Youtub10

 

 قصيدة سكرنة للشاعر هشام الجخ

اذهب الى الأسفل 
كاتب الموضوعرسالة
عمرو الشاعر
عضو فضي
عضو فضي
عمرو الشاعر


الجنس : ذكر
الابراج : الدلو
الفأر
الـبلد /المدينـة : قنا
عدد المساهمات : 64
تاريخ الميلاد : 22/01/1985
تاريخ التسجيل : 30/04/2011
العمر : 39

قصيدة سكرنة للشاعر هشام الجخ Empty
مُساهمةموضوع: قصيدة سكرنة للشاعر هشام الجخ   قصيدة سكرنة للشاعر هشام الجخ Icon_minitimeالسبت مايو 07, 2011 1:50 pm


قصيدة سكرانة
من كام شهر
خدت قرار مش هاكتب شعر
وإني هذاكر وانجح أفلح
واخد البكاليريوس وأتجوز
وأشتري عفشتي بالتقسيط
من كام شهر
أنا كنت عبيط
من كام شهر
زرعت المياه وطرحت فجلة
جاب العجل الفجلة لعجلة
وقالها مهرك
ريحة قهرك
فايحة في نهرك
قالت إوعا تعيش كسلان
بابا نويل بيوزع يويو في حرب إيران
شامم ريحة جبنة قديمة
فيلم السهرة مكنش سياسي
كان عباسي
عبدالناصر حب يقلب فينا الروس
ساوى الروس
لبرل نفسك
لأجل ما تبقى مثقف زي صاحبنا إياه
عندك ماركس عندك هيجل
عندك حسن البنا وحجي
عندك زحمة
صفي ونجي
منحى عرض النسكافيه واخد إفيه
حاصل ضرب النكسة في حرب أكتوبر في معاهدة ديفد
بيساوي حاصل ضرب النار في التار في العار
وزي إمرؤ القيس وجلامدة
اللي بتنزل من علي
عندينا واد اسمه علي
بيطلع الدبابة ويلف بيها في البلد
ومراته دايرة بشعرها تدور عليه
ومتسألوش أنا قصدي إيه
أنا نفسي مش فاهم كلامي
بس الكلام واعر حويط
أنا اللي دون الناس ... عبيط
من كام شهر وكنت بحبك
كنت بوضب روحي واحبك لأجل ما أقابلك
كنت في كل حلاتك قابلك
تفرحي قابلك
تزعلي قابلك
تتقلي قابلك
كنتي الأرض وكنت سنابلك
كنتي الحرب وكنت قنابلك
حتي في بعدك وإنتي مسافرة
وبيني وبينك ألف محطة
كنت بقابلك
عمري يا "نانا" ما قلبي اتنازل ولا ساب حقة
زي ما سابلك
عمره ما ضحى بسهده وسهره وجاب من عمري
زي ما جابلك
)هذا الوجع بقاياكي
سحر تمدد بين ضلعي
وتواري خلف سلم منزلك
ترك لكي رسالة كل صباح(
وسافر
يشهد عليكي السلم المستني خطوتنا
تشهد عليكي الشبابيك اللي فتحتيها علشاني في نص الليل
وعز البرد
يشهد عليكي محل الهدايا اللي ع الناصية
وكشك الورد
تشهدعليكي هدومك اللي قولتلك ما تلبسهاش
تشهد عليكي إمتحاناتي اللي علشانك مدخلتهاش
تشهد عليكي ودني هوستن جورج مايكل
عم شوقي بتاع الفطير
كيف يصير الحال كده
م الإبتدا
أنا اللي غلطانلك
وأنا اللي محقوقلك
وأنا اللي دون الناس
عشقتك
كنت عايش جوه صدرك حلم دافي
كنت بنسى الناس وأجيلك يوم معادك
يكش حافي
كنت أبسط من بسيط
واكتشفت إني ف هواكي
كنت دون الناس
عبيط
الرجوع الى أعلى الصفحة اذهب الى الأسفل
 
قصيدة سكرنة للشاعر هشام الجخ
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة في حب مصر للشاعر هشام الجخ
» قصيدة على ذكر ال النبي للشاعر هشام الجخ
» قصيدة البغبغان للشاعر هشام الجخ
» قصيدة انسحبوا للشاعر هشام الجخ
» قصيدة نادية للشاعر هشام الجخ

صلاحيات هذا المنتدى:لاتستطيع الرد على المواضيع في هذا المنتدى
منتدي شباب قنا :: القسم العام :: الركن الثقافي-
انتقل الى: