منتدي شباب قنا
مرحبا بك عزيزي(عزيزتى) الزائر(ة) .....
اذا كنت عضواً في المنتدى تفضل بالدخول ، اذا كنت زائراً اضغط على زر التسجيل لتنضم الى أسرة منتدي شباب قنا

منتدي شباب قنا


 
الرئيسيةبحـثالأعضاءالتسجيلدخول
منتدي شباب قنا

شاطر | 
 

 من قصيدة الاحزان العادية للشاعر عبد الرحمن الابنودي

اذهب الى الأسفل 
كاتب الموضوعرسالة
عمرو الشاعر
عضو فضي
عضو فضي
avatar

الجنس : ذكر
الابراج : الدلو
الفأر
الـبلد /المدينـة : قنا
عدد المساهمات : 64
تاريخ الميلاد : 22/01/1985
تاريخ التسجيل : 30/04/2011
العمر : 33

مُساهمةموضوع: من قصيدة الاحزان العادية للشاعر عبد الرحمن الابنودي   السبت مايو 07, 2011 3:36 pm

من قصيدة الأحزان العادية
لـ عبدالرحمن الابنودي


"يا عم الظابط إنت كداب
واللي بعتك كداب.
مش بالذل حشوفكم غير
أو استرجى منكم خير
إنتو كلاب الحاكم
وإحنا الطير
إنتو التوقيف
وأحنا السير.
إنتوا لصوص القوت
واحنا بنبني بيوت
إحنا الصوت
ساعة متحبوا الدنيا سكوت
إحنا شعبين شعبين شعبين
شوف الاول فين
والتاني فين
وأدي الخط مابين الاتنين
بيفوت
إنتوا بعتوا الارض بفاسها
بناسها
في ميدان الدنيا فكيتوا لباسها
بانت وش وضهر
بطن وصدر
ماتت
والريحه سبقت طلعت أنفاسها.
واحنا ولاد الكلب الشعب
احنا بتوع الاصعب وطريقه الصعب
والضرب ببوزظ الجزمه وبسٍن الكعب
والموت في الحرب
لكن انتوا خلقكم سيد المُلك
جاهزين للمُلك
إيدكم نعمت
من طول ما بتفتل وبتفتل
ليالينا الحلك
احنا الهلك
وانتو الترك
سوها بحكته رب الملك

أنا المسجون
المطحون
اللي تاريخي مركون.
وانت قلاوون
و"ابن طولون"
ونابليون.
الزنزانه دي مبنيه قبل الكون
قبل الظلم ما يكسب جولات اللون

يا عم الظابط إحبسني
رأينا خٍلف خلاف
سففني الحنضل وإتعسني
راينا خلف خلاف
احبسني أو اطلقني وادهسني
راينا خلف خلاف
واذا كنت لوحدي دلوقت
بكره مع الوقت
حتزور الزنزانه دي اجيال
واكيد فيه جيل
أوصافه غير نفس الاوصاف:
إن شاف يوعى
وإن وعي ما يخاف
إنتوا الخونه
منك ضعفي وجبروتك مني
خد مفتاح سجنك وياك
واترك لي وطني
وطني غير وطنك
ومشي
قلت لنفسي :
" ماخدمك إلا من سجنك
الرجوع الى أعلى الصفحة اذهب الى الأسفل
 
من قصيدة الاحزان العادية للشاعر عبد الرحمن الابنودي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب قنا :: القسم العام :: الركن الثقافي-
انتقل الى: