قصيدة انسحبوا للشاعر هشام الجخ

انسحبوا
كان الاسلكي بعيد والعسكري ماسمعش
انسحبوا
شوف العجب يا ولاد العسكري مرجعش
انسحبوا
اطرش ولا اصنم ارجع ياجندي بيادة
دخل العدو العريش ارجع خلاص بزيادة
العسكري سامع لكنه واد مجدع
شال اربي جيهه وضحك اشمعنا انا اللي ارجع
وقف الزمن ساعتين مذهول بيشاهد
الجندي قام كبر الندفع اتشاهد
الدبابات ظهرت ارجع يا جندي بيادة
دة كان كلام القيادة
ودا وبردة وقت كلام
وقف الولد ددبان يا سادة ياسامعين
صادهم كما الدبان محروص ياواد من العين
الدبابات صفين اتفجئوا وافترقوا
على كتفة كان مدفع وعلى الجبين عرقه
غطى العفار النار ولا حد عاد شايف
والدبابات بتهل ودة برضة مش خايف
الضحكة على وشة ماتقولش بيصف
ولسه الزمن واقف مبسوط ومتكيف
الدبابات كترت والكترة غلابة
والقلب لو مؤمن ولا الف دبابة
حتقولوا مات الولد انا اقولكم لا عاش
مالجنة ولا فيها موت ولا تتدخل ببلاش